Трое маленькіх дзяцей у Беларусі атруціліся бледнай паганкай
22- 23.08.2024, 19:25
- 9,976
![Трое маленькіх дзяцей у Беларусі атруціліся бледнай паганкай](https://i.c97.org/ai/607940/aux-head-1724430321-20240326_media_2.jpg)
Яны ў вельмі цяжкім стане.
- Трое маленькіх дзяцей - 8, 3,5 і амаль 2 гадоў - атруціліся грыбам бледнай паганкі. Цяпер яны знаходзяцца ў дзвюх вядучых медустановах краіны - МНПЦ хірургіі, трансплантацыі і гематалогіі і ў дзіцячай інфекцыйнай лякарні Менска, - расказаў дырэктар МНПЦ хірургіі, транспланталогіі і гематалогіі, галоўны пазаштатны хірург-трансплантолаг Міністэрства аховы здароўя Алег Румо.
З яго слоў, дзеці паступілі ў лякарню напярэдадні, зараз яны знаходзяцца ў вельмі цяжкім стане. Лекары вядуць назіранне і праводзяць неабходны комплекс лячэбна-дыягнастычных мерапрыемстваў, каб стан пацыентаў стабілізаваўся.
- Таксама займаемся пошукам донараў у выпадку неабходнасці трансплантацыі. Калі настане татальны некроз печані, гэта стане адзінай магчымасцю выратаваць дзецям жыццё. Донарамі згодны стаць бацькі, засталося праверыць сумяшчальнасць, - дадаў Румо.
У Міністэрстве аховы здароўя адзначылі, што зараз у Беларусі пачасціліся выпадкі атручэння грыбамі.