Прафесар Салавей распавёў пра хваробу Лукашэнкі
17- 24.08.2024, 15:25
- 31,282
І заявіў аб тым, што рыхтуецца сыход дыктатара.
Расейскі прафесар Валер Салавей, які ў кастрычніку 2023 года заявіў пра «смерць Пуціна», пераключыўся на Лукашэнку.
Палітолаг мяркуе, што Лукашэнка цяжка хворы і рыхтуецца да сыходу.
«Я думаю, ёсць тры варыянты. Першы – ён застаецца ў Беларусі, прынамсі, на нейкі час.
Другі варыянт - ён з'язджае ў Кітай. Яму кітайцы прапанавалі прытулак яшчэ падчас няўдалай беларускай рэвалюцыі 2020 года. Ён сказаў тады, што, маўляў, я сам не палячу, але сям'ю гатовы адправіць.
Ну і трэці варыянт - гэта нейкія гарачыя-гарачыя краіны. Але рэч у тым, што з прычыны здароўя яму гарачыя краіны не вельмі пасуюць. Ён цяжка хворы чалавек», - расказаў Салавей «Фабрыцы навін».