Беларускія сілавікі пайшлі супраць вайскоўцаў
18- 24.08.2024, 14:01
- 31,206
Шмат затрыманых пад Лепелем.
На гэтым тыдні і ў наступны панядзелак у раскладзе суда Лепельскага раёна адзначылася шэсць імёнаў. Усе выкліканыя ў суд - мужчыны, а абвінавачваюць іх у распаўсюджванні «экстрэмісцкіх» матэрыялаў, паведамляе тэлеграм-канал «Віцебск, я гуляю».
У чацвер павінны былі судзіць Івана Мадэлюса, у пятніцу Віктара Дубовіка і Уладзіслава Стаховіча.
У панядзелак: Ягора Шмяркова, Аляксея Чэрнікава і Алега Ляха.
Пошукі па гэтых імёнах не выдавалі ніводнага мясцовага жыхара, што адразу ж выклікала падазрэнне. Але ключавую зачэпку дало імя першага «правапарушальніка» - Івана Мадэлюса. Яго профіль у VK быў нядаўна выдалены (ён на фота), мужчына служыць у в/ч 71327 у Заслонава.
На паблік в/ч 71327 у VK быў падпісаны і берасцеец Ягор Шмяркоў, якога яшчэ будуць судзіць.
Ну, і ў сеціве знайшоўся поўны цёзка пятнічнага падсуднага — нядаўні курсант Ваеннай акадэміі Уладзіслаў Стаховіч.