Кэнэдзі-малодшы далучыўся да мітынгу Трампа

Даўней ён спыніў прэзідэнцкую кампанію.

У пятніцу, 23 жніўня, незалежны кандыдат у прэзідэнты ЗША Робэрт Кэнэдзі-малодшы прыпыніў сваю кампанію на карысць Дональда Трампа. Праз некалькі гадзін ён далучыўся да мітынгу былога прэзідэнта ЗША.

Пра гэта паведамляе Associated Press.

Кэнэдзі заявіў, што згодна з ягонымі ўнутранымі апытаннямі, ягоны ўдзел у гонцы нашкодзіць Трампу і дапаможа кандыдатцы ад Дэмакратычнай партыі Камале Гарыс.

Пры гэтым AP піша, што нядаўнія публічныя апытанні не даюць дакладных звестак пра тое, што ён робіць значны ўплыў на падтрымку якога-небудзь з кандыдатаў ад асноўных партый.

Як паведамляецца, на сваёй акцыі ў Фініксе, Кэнэдзі назваў свабоду слова, вайну ва Украіне і «вайну супраць нашых дзяцей» сярод прычын, з якіх ён паспрабуе прыбраць сваё імя з бюлетэняў у вагальных штатах.

"Гэта асноўныя прычыны, якія пераканалі мяне пакінуць Дэмакратычную партыю і балатавацца як незалежны кандыдат, а цяпер выказаць сваю падтрымку прэзідэнту Трампу", — сказаў ён.

Пры гэтым Кэнэдзі даў ясна зразумець, што афіцыйна не спыняе свой удзел, і сказаў, што ягоныя прыхільнікі могуць далей падтрымліваць яго ў большасці штатаў, дзе яны наўрад паўплываюць на вынік.

Адзначаецца, што ён зрабіў крокі, каб зняць сваю кандыдатуру прынамсі ў двух штатах у канцы гэтага тыдня. Гаворка ідзе аб Арызоне і Пэнсільваніі, але службовыя асобы выбарчых камісій у Мічыгане, Нэвадзе і Вісконсіне заявілі, што Кэнэдзі будзе занадта позна прыбіраць сваё імя з бюлетэня, нават калі ён захоча гэта зрабіць.

Незалежны кандыдат таксама сказаў, што ягоныя дзеянні пачаліся пасля размоў з Трампам за апошнія некалькі тыдняў. Кэнэдзі назваў іхні альянс "партыяй адзінства". Акрамя таго, як піша AP, Кэнэдзі выказаў меркаванне, што Трамп прапануе яму працу, калі ён вернецца ў Белы дом.

У сваю чаргу напарніца Кэнэдзі ў перадвыбарнай гонцы Ніколь Шанахан на гэтым тыдні выказала ідэю аб тым, што Кэнэдзі можа далучыцца да адміністрацыі Трампа ў якасці сакратара Міністэрства здароўя і сацыяльных службаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com