У беларускіх крамах знайшлі небяспечныя расейскія арэшкі са згушчонкай
7- 24.08.2024, 12:06
- 2,342
Іх забаранілі.
У Гарадзенскай вобласці ў крамах прадавалі небяспечныя цукеркі і арэшкі са згушчонкай, паведамілі ў Гарадзенскай абласной інспекцыі Дзяржстандарта.
Прысмакі ад расейскага вытворцы ІП Макаран і ІП Дзянісаў, якія не адпавядаюць патрабаванням тэхрэгламентаў Мытнага саюза і ЕАЭС былі знойдзены ў гандлёвых аб'ектах Навагрудка. Пры маркаванні прадукцыі была ўказаная недакладная інфармацыя аб складзе.
У арэшках са згушчонкай знайшлі сінтэтычныя фарбавальнікі тартразін (Е102) і сонечны закат (Е110) пра што вытворца не паведаміў. Аднак гэтыя фарбавальнікі могуць мець адмоўны ўплыў на актыўнасць і ўвага дзяцей”.
А ў цукерках "Аляксандраўскія" "Малочная" выкарыстоўвалася сыравіна расліннага паходжання, хоць вытворца напісаў, што ў складзе цукерак толькі цэльнае згушчанае малако з цукрам і масла.
- Прадукцыя не можа быць ідэнтыфікаваная як тая, за якую выдаецца. На спажывецкай упакоўцы з цукеркамі пазначаная фальшывая інфармацыя аб складзе цукерак, - пракаментавалі ў Дзяржстандарце.
Па выніках праверкі выдадзена забарона рэалізацыі неадпаведнай прадукцыі.