У Гуляйполі акупанты знішчылі музей-сядзібу Нестара Махно
2- 24.08.2024, 17:20
- 3,600
Будынак успыхнуў пасля траплення набою і выгарэў дашчэнту.
Расейскія захопнікі знішчылі мемарыяльны музей-сядзібу сям'і Нестара Махно ў горадзе Гуляйполі Запарожскай вобласці.
Пра гэта паведамляе Цензор.НЕТ са спасылкай на прэс-службу МУС Украіны і Нацпаліцыі.
«У Гуляйполі акупанты знішчылі мемарыяльны музей-сядзібу сям'і Нестара Махно. Будынак успыхнуў у выніку траплення набоя і выгараў дашчэнту», - адзначылі ў МУС Украіны.
Таксама на працягу дня расейцы нанеслі 306 удараў па 9 населеных пунктах Палагоўскага і Васільеўскага раёнаў. Білі з авіяцыі, РСЗА, танкаў, артылерыі, ужылі дроны.
Пад прыцэлам расейцаў знаходзіліся Беленькае Запарожскага раёна, Гуляйполе, Арэхаў, Новаандрэеўка, Малая Токмачка, Леваднае, Рабоціна, Малінаўка, Праабражэнка Полагоўскага раёна.