«Паляніца» ўжо біла па ворагу: раскрыты дэталі аб новай украінскай ракеце-дроне
3- 24.08.2024, 17:35
- 5,068
Распрацоўка зброі адбывалася ва ўмовах строгай сакрэтнасці.
У суботу, 24 жніўня, прэзідэнт Украіны Уладзімір Зяленскі<.B> абвясціў аб першым паспяховым выкарыстанні новай украінскай ракеты-дрона пад назвай «Паляніца». Аднак гэтую зброю маглі прымяняць і раней падчас удараў па варожых аб'ектах. Аб гэтым піша Defence Express.
Як адзначае выданне, «Паляніцу» маглі выкарыстоўваць падчас нападаў на часова акупаваных тэрыторыях. Пра гэта сведчыць і заява міністра стратэгічных галін прамысловасці Аляксандра Камышына<.B>, які адзначыў, што ракету-дрон прымянялі для ўдараў па аб'ектах на акупаваных тэрыторыях.
«Гэта дрон – і гэта ракета, бо па сваіх тактыка-тэхнічных характарыстыках выраб падпадае пад абодва вызначэнні. Ракетаў-дронаў будзе станавіцца больш, як ужо стала больш дальнабойных ударных дронаў, вынікі працы якіх мы бачым амаль штодня. Ракета-дрон - гэта наступны крок у эвалюцыі ўкраінскага defense tech. Мы з нецярпеннем чакалі моманту, калі можна будзе прадэманстраваць ворагу яе эфектыўнасць. Нарэшце гэты момант надышоў», - адзначыў Камышын.
Распрацоўка «Паляніцы» адбывалася ва ўмовах строгай сакрэтнасці. Яе класіфікацыя як «ракета-дрон», на думку журналістаў, паказвае на тое, што ўкраінскія спецыялісты выбралі аптымальны шлях, сумясціўшы эфектыўнасць з адносна нізкім коштам вырабу.
«Распрацоўшчыкі пайшлі аптымальным шляхам спалучэння эфектыўнасці і адносна невялікага кошту вырабаў у параўнанні з «паўнавартаснымі» крылатымі ракетамі, што павінна дазволіць забяспечыць масавую вытворчасць ва ўмовах дэфіцыту сродкаў», - адзначылі журналісты.
Хоць дакладныя характарыстыкі Паляніцы застаюцца засакрэчанымі, яе першае ўжыванне ўжо прадэманстравала патэнцыял гэтай гібрыднай зброі. Камышын падкрэсліў, што гэтае ўзбраенне стане важным элементам украінскай абароны і яго эфектыўнасць ужо хутка адчуе вораг.