Польшча мяняе амбасадара ва Украіне
- 24.08.2024, 17:51
- 1,766
Пра гэта паведаміў спікер Міністэрства замежных спраў Польшчы.
Польшча мяняе амбасадара ва Украіне. З 1 верасня пасаду зойме Петр Лукасевіч<.B>. Пра гэта паведаміў спікер Міністэрства замежных спраў Польшчы Павал Уронскі, піша FRM24.
Варта адзначыць, што Лукасевіч заменіць на пасадзе Яраслава Гузы<.B>, які прэзентуе інтарэсы Польшчы ва Украіне з 19 кастрычніка 2023 года.
Лукасевіч - палітолаг, дыпламат, палкоўнік запасу Узброеных сіл Рэспублікі Польшча. У 2012-2014 гадах ён быў амбасадарам Польшчы ў Афганістане. У 1995-2006 гадах займаўся пытаннямі дзяржаўнай бяспекі і барацьбы з тэрарызмам. Таксама Лукасевіч служыў у стабілізацыйных місіях у Іраку (2004-2005).
У 2012 годзе ён пайшоў у запас у званні палкоўніка, а потым стаў амбасадарам у Афганістане. Скончыў сваю місію 31 снежня 2014 года. Пасля вяртання заняўся журналісцкай, выкладчыцкай і экспэртнай дзейнасцю.