У Суджы расейцы стварылі тэраабарону і перайшлі на бок УСУ

Мясцовыя мужчыны падтрымалі ўкраінскае войска.

У горадзе Суджа на Куршчыне з'явілася свая тэрытарыяльная абарона. Яе стварылі мясцовыя мужчыны, якія не выехалі з зоны баявых дзеянняў. Пра гэта «Грамадскаму» распавялі байцы УСУ, якія зараз знаходзяцца ў РФ.

Байцы кажуць, што, убачыўшы ўкраінскія сцягі мясцовыя жыхары вельмі напалохаліся, бо чакалі, што іх усіх расстраляюць. Замест гэтага іх супакоілі, далі вады і загадалі прайсці ў сховішча.

«Мы зайшлі, пачалі зачышчаць вуліцы і падвалы. Вады далі. Шкада - бабулі, дзядулі, была адна з Харкава, яе хату расейцы кабамі ўдарылі. У адным з двароў цывільная сям'я выйшла, баяліся, каб мы іх не чапалі, каб яны жывыя былі. Я іх супакоіў, сказаў, каб узялі цёплыя рэчы, ежу і спусціліся ў склеп», - распавядаюць украінскія абаронцы.

Украінскія байцы таксама гавораць, што мясцовыя мужчыны, якія засталіся ў зоне баявых дзеянняў у Курскай вобласці арганізавалі тэрытарыяльную абарону і наладзілі супрацоўніцтва з УСУ.

«У Курскай вобласці арганізавалася свая ТРА, працуюць з намі. Многія хлопцы перайшлі на наш бок. Я думаю, яны даўно гэта планавалі, ім трэба было паддаць матывацыі, але не было чым. Людзі тут і рады б з'ехаць ва Украіну, таму што многія маюць там сваякоў», - распавядаюць байцы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com