Ва Украіну вярнулі памежнікаў, якія знаходзіліся ў расейскім палоне з 24 лютага 2022 года
2- 24.08.2024, 20:52
- 5,850
![Ва Украіну вярнулі памежнікаў, якія знаходзіліся ў расейскім палоне з 24 лютага 2022 года](https://i.c97.org/ai/608060/aux-head-1724521283-pamezniki_360_2020082.jpg)
Відэафакт.
Трое са 115-ці вызваленых у Дзень Незалежнасці ўкраінскіх абаронцаў з'яўляюцца памежнікамі 79-га Херсонскага атрада. Яны патрапілі ў расейскую няволю яшчэ ў першы дзень поўнамаштабнага ўварвання.
Пра гэта 24 жніўня паведамілапрэс-служба Дзяржаўнай памежнай службы Украіны. Таксама было апублікаванае кранальнае відэа з вызваленымі ўкраінскімі абаронцамі.
«Незломныя Героі, якія вярнуліся з абмену, крычаць украінскія лозунгі», - гаворыцца ў публікацыі.
У ДПСУ распавялі, што тры памежнікі 79-га Херсонскага атрада знаходзіліся ў палоне РФ з першага дня поўнамаштабнага ўварвання.
![](https://i.c97.org/ai/608060/aux-1724521261-prikordonniki.jpg)
На апублікаваныя кадры патрапіў памятны момант, калі вызваленыя з РФ выкрыквалі патрыятычныя лозунгі: «Слава Украіне! Героям слава!», «Украіна па-над усім!».
![](https://i.c97.org/ai/608060/aux-1724521261-karta1.jpg)
Адзін з памежнікаў, апісваючы знаходжанне ў няволі, сказаў, што ўкраінскія вайскоўцы «трапілі ў Савецкі Саюз».
«Хлопцы, трымайцеся, усё будзе Украіна», – сказаў іншы баец ДПСУ.