Знішчэнне вялікага склада боепрыпасаў у Варонежскай вобласці РФ паказалі са спадарожніка
3- 24.08.2024, 21:30
- 4,994
![Знішчэнне вялікага склада боепрыпасаў у Варонежскай вобласці РФ паказалі са спадарожніка](https://i.c97.org/ai/608064/aux-head-1724523732-vybuch_360_2020082.jpg)
Пажар працягваецца дагэтуль.
У сеціве з'явіўся спадарожнікавы здымак склада боепрыпасаў у Варонежскай вобласці, які быў знішчаны сёння ўначы.
Пра гэта паведамляе РБК-Украина са спасылкай на допіс журналіста Кірыла Аўсянага ў сацсетцы Х (былы Twitter).
Каментуючы здымак, Аўсяны удакладніў, што кадры зроблены з месца, дзе верагодна, размяшчаліся склады ў Астрагародскім раёне Варонежскай вобласці Расеі.
«Пажар працягваецца дагэтуль. Вось параўнанне здымкаў ад 31 ліпеня і 24 жніўня», - дадаў журналіст.
Сёння ўначы, 24 жніўня, украінскія разведчыкі падарвалі вялікі склад боепрыпасаў у Варонежскай вобласці Расеі. Інфармацыю афіцыйна пацвердзіла ГУР МА Украіны.