У цэнтры Варшавы адзначылі Дзень Незалежнасці Украіны

На Замкавай плошчы сабраліся 30 тысяч чалавек.

24 жніўня ў цэнтры Варшавы адбылося святкаванне Дня Незалежнасці Украіны.

Арганізатарамі мерапрыемства выступілі грамадская арганізацыя «Еўрамайдан-Варшава» і фонд «Stand With Ukraine».

Пасля 17.30 на Замкавай плошчы ў польскай сталіцы сабралася больш за 30 тысяч чалавек.

Вядоўцамі святкавання Дня Незалежнасці Украіны былі лідарка арганізацыі «Еўрамайдан-Варшава» Наталля Панчанка і журналіст, галоўны рэдактар партала «Новая Польшча» і вядоўца праграм Studio X-97 сайта Сharter97.org Яўген Клімакін.

У мерапрыемстве таксама ўзяла ўдзел галоўная рэдактарка Сharter97.org Наталля Радзіна.

Прысутныя згадалі хвілінай маўчання загінулых праз расейскую агрэсію ўкраінцаў.

Па відэазапісе да ўдзельнікаў мітынгу звярнуліся ўдзельнікі баявых падраздзяленняў УСУ, у тым ліку вядомыя беларусы і ўкраінцы, якія зараз ваююць на фронце за Украіну.

Ад імя беларускіх добраахвотнікаў да прысутных звярнуўся камандзір палка Каліноўскага Павел «Дзядзька» Шурмей.

Свой зварот зачытаў і вядомы ўкраінскі пісьменнік, баец батальёна «Хартыя» Сяргей Жадан.

На мітынгу таксама адбылося ўручэнне ўзнагароды «Stand With Ukraine Awards», якой адзначаюць грамадзян Польшчы, што падтрымліваюць украінцаў у барацьбе супраць Расеі.

Напрыканцы святкавання адбыўся вялікі канцэрт з удзелам украінскага гурта «Ізі», польска-ўкраінскага DagaDana і пераможцы Еўравізіі-2016 крымска-татарскай спявачкі Джамалы.

Сайт Сharter97.org падрыхтаваў фотарэпартаж са святкавання Дня Незалежнасці Украіны ў Варшаве.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com