Украінскія танкі правялі «карэкцыю» Лукашэнкі

Ад некага неўзабаве наогул нічога не застанецца.

Пасля дарагога кітайскага госця сёй-той сустрэў пасланца Папы Рымскага. З кітайскім госцем усё зразумела. Кітайскі госць камусьці не проста так дарагі. Кітайскі госць камусьці вельмі дарагі.

Таму што бескарыслівае каханне да брацкага кітайскага народа ў апошні час неяк перастала акупляцца. Брацкі кітайскі народ даўно кагосьці не цешыў сваімі інвестыцыямі. Экспарт беларускага калію ў Кітай за сем месяцы абрынуўся ўдвая, а за ліпень дык увогуле ўтрая.

Таму ад Кітая камусьці хочацца вялікага чыстага кахання, і каб грошай. Але ў гэтых светлых пачуццяў ніяк не атрымліваецца знайсці сабе ўзаемнасці.

Але Папа Рымскі гэта табе не Кітай. У Папы Рымскага грошай не дапытаешся, нават калі ў яго ёсць. А беларускім калійным угнаеннем у Ватыкане проста няма дзе размясціцца. Так што тут, як я разумею, сёй-той пасля раптоўнага прыступу гуманізму надумаў зладзіць геапалітычныя манеўры.

Бо адзін раз сёй-той такое з Папам Рымскім ужо рабіў і, відаць, наважыў, што можа паўтарыць. Правесці карэкцыю сваёй геапалітычнай арыентацыі. І гэта вядома выключна выпадковае супадзенне, што жаданне зрабіць геапалітычнай арыентацыі карэкцыю з'явілася на фоне поспехаў УСУ ў Курскай вобласці.

Не. Я праўда мяркую, што гэтае выпадковае супадзенне. Што карэкцыяй сваёй геапалітычнай арыентацыі сёй-той хацеў заняцца даўно і з іншых прычын. Але падазраю, што ўкраінскія танкі ў Курскай вобласці гэтае жаданне прастымулявалі.

Бо сёй-той жа пагражаў НАТА не толькі сваімі генераламі. Некаторыя яшчэ пагражалі, што хаўруснік будзе абараняць яго межы як свае ўласныя. Што калі хто-небудзь, калі-небудзь, хоць адным пальцам наступіць на святыя рубяжы, то яму адкажа ўся вайсковая моц саюзнай дзяржавы.

І вось я хачу табе сказаць, што калі хаўруснік будзе абараняць таго-сяго як ён абараніў Курскую вобласць, то лепш не трэба. Курскую вобласць хаўруснік абараняе ўжо тры тыдні. І чым даўжэй ён абараняе сваю Курскую вобласць, тым менш ад гэтай Курскай вобласці застаецца. З такімі поспехамі ўсё ідзе да таго, што пасля Курска хаўрусніку неўзабаве давядзецца абараняць Белгарад. А пакуль да кагосьці дойдзе чарга, ад кагосьці ўвогуле нічога не застанецца.

І атрымліваецца, што абараніць сяго-таго няма каму, акрамя яго, прабач Госпадзе, генералаў. Вось нават мне смешна. А сёй-той ведае сваіх генералаў лепш за мяне. Беларускія генералы ўмеюць абараняць Стэлу ад нападу неймавернага супраціўніка. А на імавернага супраціўніка беларускія генералы не падпісваліся.

Так што геапалітычную арыентацыю сапраўды лепш злёгку падкарэктаваць. І пажадана з гэтай справай доўга не зацягваць. Бо калі доўга цягнуць, то можа так атрымацца, што карэктаваць не будзе каму.

Тэлеграм-канал «Письма к дочери»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com