СМІ: Дураў мог шукаць сустрэчы з Пуціным у Баку некалькі дзён таму

Арышт заснавальніка Telegram можна параўнаць з узломам «Энігмы».

Заснавальнік і генеральны дырэктар мэсэнджара Telegram Павел Дураў мог шукаць сустрэчы з прэзідэнтам Расеі Уладзімірам Пуціным у Баку некалькі дзён таму.

Пра гэта ў сваім Telegram-канале напісаў кіраўнік Цэнтра супрацьдзеяння дэзінфармацыі Рады нацыянальнай бяспекі і абароны Украіны Андрэй Каваленка.

«Не выключана, што Дураў шукаў сустрэчы з Пуціным у Баку некалькі дзён таму. Яму адмовілі. Цяпер у Расеі істэрыка, што «адзіны надзейны расейскі мэсэнджар», Telegram, можа апынуцца пад кантролем Захаду», - адзначыў Каваленка.

Ён дадаў, што гісторыя з Дуравым для Масквы - гэта «правал, у якім вінаватае ўсё асяроддзе Пуціна, ад Вайно да Патрушава».

Кіраўнік ЦПД адзначыў, што Telegram - гэта мэсэнджар нумар адзін ва Украіне. У Індыі – 300 млн карыстачоў, а «неўзабаве ён стане нумарам адзін у Паўднёвай і Лацінскай Амерыцы».

Каваленка адзначыў, што арышт Дурава можна параўнаць з узломам «Энігмы» брытанцамі падчас Другой сусветнай вайны, і што Telegram - гэта адзіны мэсэнджар, які актыўна выкарыстоўвае расейскае войска.

«Дурава абвінавачваюць у тым, што ён не супрацоўнічаў з французскай паліцыяй у барацьбе з наркагандлем. У найбліжэйшыя месяцы Расею могуць абвінаваціць у гандлі наркотыкамі ў Еўропе. Цяжкія часы чакаюць Галоўную ўправу Генштаба, бо менавіта іх уважаюць асноўнымі «адказнымі» за гэты кірунак шпіёнскай дзейнасці», - напісаў ён.

Акрамя таго, дадаў Каваленка, дзякуючы кейсу Дурава «можа абрынуцца ўся агентурная сетка РФ у Еўропе».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com