У Беларусі не ўдаецца закрыць дэфіцыт выхавальніц
3- 25.08.2024, 19:10
- 3,166
![У Беларусі не ўдаецца закрыць дэфіцыт выхавальніц](https://i.c97.org/ai/299630/aux-head-1532961665-20180730_deti_germany_dpa_360.jpg)
У якіх рэгіёнах сітуацыя найбольш крытычная.
У Беларусі ўжо менш як праз тыдзень стартуе новы навучальны год. Пры гэтым у цэлым у краіне захоўваецца дэфіцыт выхавацеляў. У агульнарэспубліканскім банку вакансій зараз размешчана 1 383 прапаноў ад наймальнікаў.
Заробак да 800 рублёў прапануюць на 614 вакансіях. Ад 1000 рублёў гатовы плаціць 121 наймальнік. Як правіла, наймальнікі паказваюць у аб'явах сумы да выплаты падаткаў.
Калі глядзець па рэгіёнах, то больш за ўсё выхавальніц не стае ў Менску - 378. У Берасцейскай вобласці - 240, у Віцебскай - 189, у Гарадзенскай - 188, у Менскай - 169, у Магілёўскай - 147, а ў Гомельскай - 70.
Нагадаем, закрыць дэфіцыт выхавальніц не ўдаецца не першы год.