Трамп паабяцаў Зяленскаму падтрымліваць Украіну ў выпадку перамогі на выбарах
26- 25.08.2024, 20:11
- 3,914
![Трамп паабяцаў Зяленскаму падтрымліваць Украіну ў выпадку перамогі на выбарах](https://i.c97.org/ai/350052/aux-head-1569740265-20190928_trump_360.jpg)
Пра гэта паведаміў прэзідэнт Украіны.
Для разумення ўзроўню будучай падтрымкі Украіны з боку ЗША варта дачакацца вынікаў прэзідэнцкіх выбараў, якія запланаваныя на лістапад 2024 года. Аб гэтым заявіў прэзідэнт Украіны Уладзімір Зяленскі ў інтэрв'ю індыйскім мэдыям.
Адказваючы на пытанне аб магчымым развіцці падзей у выпадку абрання Дональда Трампа, ён сказаў, што сітуацыя стане зразумелай у лістападзе.
Са слоў Зяленскага, падчас асабовых перамоў з Дональдам Трампам амэрыканскі мільярдэр абяцаў падтрымліваць Украіну ў выпадку перамогі на выбарах у Злучаных Штатах.
«Але я не атрымаў ніякіх сігналаў ад ягонай суполкі аб тым, або, уласна, ад яго, бо мы мелі адну двустароннюю размову... Падчас вайны мы мелі адну тэлефонную размову. І я чуў толькі пасланні, што ён будзе падтрымліваць Украіну, што ён імкнецца спыніць вайну, каб Украіна была незалежнай еўрапейскай свабоднай краінай. Вось усе пасланні, якія я атрымаў ад яго наўпрост», — сказаў Зяленскі.
Ён таксама дадаў, што не можа прагназаваць узровень падтрымкі Украіны з боку ЗША.
"Давайце паглядзім, што будзе ў лістападзе", — заклікаў ён.