Der Spiegel: Яшчэ адна няўдача Мінабароны РФ
2- 26.08.2024, 9:25
- 9,712
![Der Spiegel: Яшчэ адна няўдача Мінабароны РФ](https://i.c97.org/ai/579330/aux-head-1705213720-20240101_bylina_360.jpg)
Украіна «асляпіла» ворага.
Вайсковая кампанія Украіны ў Курскай вобласці РФ паказала шмат хібаў і пудлаў у расейскім Мінабароны. Адное з іх - хваленая расейская сістэма РЭБ.
Заходнія вайсковыя экспэрты падкрэслілі, што поспех Курскай вайсковай аперацыі стаў магчымы дзякуючы як украінскай выведцы, так і выкарыстанню сістэм РЭБ, інфармуе рэсурс Der Spiegel.
Супрацоўнік Каралеўскага інстытута аб'яднаных службаў Томас Вітынгтон заявіў, што менавіта сістэмы РЭБ з'яўляецца найважнейшым элементам у вайне.
Кіеў у вайне выкарыстоўвае як айчынныя, так і замежныя сістэмы РЭБ. Больш за тое, не варта забываць і аб тым, што ва Украіны ёсць вельмі добрыя праграмісты.
Кіеву атрымалася «асляпіць» варожую сістэму РЭБ, а супраціўнік не мог зразумець, куды і як яму наводзіць сваю артылерыю, каб супрацьстаяць прарыву УСУ.
Таксама ў гэтай справе важная і выведка. Каб адсачыць варожых салдат, не трэба спрабаваць расшыфраваць перахопленыя радыёразмовы. Досыць проста адсачыць сродкі камунікацыі ворага.
Вайна ва Украіне, а асабліва прарыў УСУ на Куршчыне, паказаў, што з хваленай сістэмай РЭБ РФ не ўсё так і гладка.
Вітынгтон заявіў, што ў РФ так і не навучыліся актыўна выкарыстоўваць сістэмы РЭБ па ўсёй лініі фронту. Калі на адным участку фронту РФ паказвае нядрэнныя вынікі, то на іншых участках бываюць вялікія няўдачы.