Польшча экстрана ўзняла ў неба авіяцыю
2- 26.08.2024, 9:53
- 9,122
![Польшча экстрана ўзняла ў неба авіяцыю](https://i.c97.org/p/articles/ai-209153-aux-head-20160615_f_16_poland_charter97.org_360.jpg)
Праз ракетны ўдар РФ.
Раніцай 26 жніўня Польшча падняла авіяцыю з-за пагрозы расейскіх ракет, пакуль Украіна знаходзіцца пад масаваным варожым ударам.
Пра гэта паведаміла Аператыўнае камандаванне польскага войска ў сацсетцы Twitter (X).
Як адзначылі польскія вайскоўцы, з “самай раніцы яны назіраюць інтэнсіўныя ўдары Расеі па аб'ектах, якія размешчаныя, у тым ліку, на заходняй тэрыторыі Украіны”.
Са звестак Польшчы, апошняя такая актывізацыя дзейнасці расейскай авіяцыі, падчас якой былі нанесеныя ўдары на захадзе Украіны, была зафіксаваная 8 ліпеня гэтага года. Тады расейцы нанеслі масаваны ракетны ўдар па Кіеве - пад варожым агнём, апынулася дзіцячая бальніца Ахматдет, а ў Шаўчэнкаўскі раёне сталіцы быў цалкам знішчаны пад'езд жылога дома. У той дзень загінулі 33 чалавекі, а яшчэ 121 атрымалі раненні.
Польскія вайскоўцы адзначылі, што ўсе неабходныя працэдуры для гарантавання бяспекі паветранай прасторы краіны - запушчаныя.