Невядомы паветраны аб'ект заляцеў з Украіны на тэрыторыю Польшчы
- 26.08.2024, 14:46
- 3,742
![Невядомы паветраны аб'ект заляцеў з Украіны на тэрыторыю Польшчы](https://i.c97.org/p/articles/ai-232941-aux-head-20161129_poland_flag_charter97.org_360.jpg)
Магчыма, гэта расейскі БПЛА.
Невядомы паветраны аб'ект заляцеў з Украіны на тэрыторыю Польшчы, пра гэта піша RMF24 са спасылкай на камандзіра УС Польшчы генерала Мацея Кліша.
Са слоў камандзіра, хутчэй за ўсё, аб’ект, які заляцеў у Польшчу аб'ект - гэта не ракета, а беспілотнік. Ён перасек мяжу ў раёне памежнага ўкраінскага горада Червоноград у Львоўскай вобласці.
Вядуцца пошукі аб'екта, магчыма, ён знаходзіцца на тэрыторыі гміны Тышавіцэ ў Любельскім ваяводстве.
Раніцай у панядзелак 26 жніўня Расея нанесла масіраваны ўдар ракетамі і беспілотнікамі па Украіне. Пад абстрэлам былі 15 абласцей краіны, у тым ліку і тыя, якія мяжуюць з Польшчай.