Шэсць ліквідаваных афіцэраў: УСУ «накрылі» базу акупантаў
3- 26.08.2024, 17:04
- 11,866
![Шэсць ліквідаваных афіцэраў: УСУ «накрылі» базу акупантаў](https://i.c97.org/ai/458889/aux-head-1647185688-20220313_Arta_360.jpg)
Галоўнай цэллю стала база адпачынку "Жыгулі".
У населеным пункце Бабах-Тарама Мангушскага раёна Данецкай вобласці Украіны знішчаны і паранены дзясяткі расейскіх акупантаў.
Як піша ў Telegram дарадца кіраўніка Марыюпаля Пётр Андрушчанка, удары былі нанесеныя ў прамежку паміж 13-40 і 15-00 паводле менскага часу.
"Галоўная мэта - база адпачынку "Жыгулі", дзе базаваліся расейскія афіцэры ў катэджных дамах і вялікая колькасць салдат у карпусах", - падкрэсліў ён са спасылкай на звесткі мясцовага Супраціўлення.
Акрамя таго, у выніку ўдараў таксама быў пашкоджаны палявы лагер побач з “Жыгулямі” і некалькі іншых, драбнейшых пунктаў сталай дыслакацыі ворага.
“Актыўная праца СПА толькі засыпала абломкамі суседні Урзуф. Вялікая колькасць хуткіх і пажарных не вельмі дапамагла», - удакладніў ён.
Згодна з пацверджанымі звесткамі, у выніку знішчана 6 афіцэраў РФ, а таксама 8 салдат краіны-агрэсаркі. Акрамя таго, яшчэ 17 акупантаў знаходзяцца ў цяжкім стане ў шпіталях Марыюпаля і Бердзянска.
“Выведзены з ладу назаўжды два грузавікі і вайсковая тэхніка. Наступствы ўсё яшчэ ўдакладняюцца. Але эфект быў яркі”, - дадаў ён.