У Менск прывезлі новы кітайскі красовер Dongfeng
12- 26.08.2024, 16:02
- 4,388
![У Менск прывезлі новы кітайскі красовер Dongfeng](https://i.c97.org/ai/608249/aux-head-1724676610-20240826_Dongfeng_360.jpg)
Кошт пакуль не раскрываецца.
Каля аднаго з дылерскіх цэнтраў Dongfeng у Менску заўважаны новы красовер Mage. Імпарцёр маркі пакуль не раскрывае падрабязнасцяў, але відавочна, што афіцыйная прэм'ера навінкі павінна прайсці неўзабаве.
Як піша Onlíner, пры колавай базе 2775 мм і даўжыні кузава 4650 мм Mage знаходзіцца на стыку класаў З-SUV і D-SUV. Аўтамабіль мае адкідныя ручкі дзвярэй, цалкам святлодыёдную оптыку, вертыкальна арыентаваны экран мультымедыйнай сістэмы і панарамны дах.
![](https://i.c97.org/ai/608249/aux-1724676500-b367d96038919c5271b7589454177818.jpg)
Паводле папярэдняй інфармацыі, Dongfeng Mage для беларускага рынку аснашчаны 1,5-літровым турбаматорам вытворчасці DFM-Honda магутнасцю 204 к. с. у спалучэнні з 7-дыяпазонным робатам Getrag.
Што да варыянтаў абсталявання і коштаў, яны стануць вядомыя падчас прэзентацыі мадэлі.
![](https://i.c97.org/ai/608249/aux-1724676500-2ee8abe86b72477301835841a31c6c93.jpg)