Лукашэнка прыняў новаўвядзенні для мабільных аператараў
14- 26.08.2024, 17:28
- 11,890
![Лукашэнка прыняў новаўвядзенні для мабільных аператараў](https://i.c97.org/ai/556405/aux-head-1689750419-20230719_iPhone-13-Mini_360.jpg)
З'явіцца спецыяльны тарыфны план.
У Беларусі ўводзяць базавы сацыяльны тарыф на мабільную сувязь для насельніцтва. Яго кошт будзе знаходзіцца пад кантролем дзяржавы. Адпаведны ўказ падпісаў Лукашэнка, паведамляе ягоная прэс-служба.
Для мабільных аператараў ёсць і іншыя навінкі.
- Сотавыя аператары ў абавязковым парадку павінны будуць накіроўваць частку прыбытку на будаўніцтва новых вышак, мадэрнізацыю дзейных аб'ектаў і іншыя захады па развіцці сетак сотавай сувязі, што дазволіць павялічыць зону ахопу і ўстойлівасць сігналу, — паведамляе прэс-служба дыктатара.