Украінская рота «Ахілес» паказала відэа знішчэння расейскага «Града» ў Белгародскай вобласці
- 26.08.2024, 17:55
- 2,204
![Украінская рота «Ахілес» паказала відэа знішчэння расейскага «Града» ў Белгародскай вобласці](https://i.c97.org/ai/570681/aux-head-1699384308-20231015_grad_360.jpg)
З дапамогай беспілотніка.
Украінская брыгада ўдарных беспілотных авіяцыйных комплексаў «Ахілес» знішчыла расейскі БМ-21 «Град» у Белгародскай вобласці, паведамляе «Страткам УСУ».
Адзначаецца, што расейскі «Град» наносіў удары па Харкаўскай вобласці. Аднак ён быў знішчаны з дапамогай беспілотніка.
На відэа паказана, як робат трапляе проста ў варожую цэль. Гэта зрабілі байцы 92-й асобнай штурмавой брыгады імя кашавога атамана Івана Сірко.
БМ-21 «Град» - гэта савецкая рэактыўная сістэма залпавага агню (РСЗА), якая стала адной з самых вядомых і масавых у свеце. Прынятая на ўзбраенне ў 1963 годзе яна выкарыстоўвае 122-мм рэактыўныя набоі і ўсталяваная на шасі грузавога аўтамабіля Урал-375 або іншых аналагічных шасі.
Сістэма складаецца з пускавой устаноўкі з 40 стваламі, з якіх за кароткі час могуць быць выпушчаныя да 40 рэактыўных набояў.
Расея актыўна выкарыстоўвае БМ-21 «Град» на вайне ва Украіне.