Крэмль адмаўляе сустрэчу Дурава з Пуціным у Баку

Дыктатар РФ і заснавальнік Telegram знаходзіліся ў адны і тыя ж дні ў Азербайджане.

Дыктатар Расеі Уладзімір Пуцін не сустракаўся з заснавальнікам Telegram Паўлам Дуравым падчас візіту ў Баку, паведаміў прэс-сакратар кіраўніка дзяржавы Дзмітрый Пяскоў, цытуе «Інтэрфакс».

Пяскоў заявіў, што ў Крамлі пакуль не ведаюць, у чым канкрэтна абвінавачваюць Дурава. «Мы не чулі пакуль ніякіх афіцыйных заяў на гэты конт. І перад тым, як нешта казаць, трэба дачакацца высвятлення сітуацыі: што ж менавіта спрабуюць інкрымінаваць Дураву. Без гэтага, напэўна, было б няправільна рабіць нейкія заявы», - сказаў прэс-сакратар прэзідэнта.

Пуцін наведаў Азербайджан 18-19 жніўня. Ён сустрэўся са сваім калегам Ільхамам Аліевым. У гэтыя ж дні ў краіне знаходзіўся Дураў. Пра тое, што яны сустрэліся, пісалі некалькі тэлеграм-каналаў, у тым ліку Insider-T.

Тэлеграм-канал Baza пісаў, што, паводле ягоных звестак, у адміністрацыі прэзідэнта прапаноўвалі Пуціну правесці сустрэчу з Дуравым, але дыктатар адмовіўся.

Пасля візіту ў Баку Дураў паляцеў у Францыю, грамадзянінам якой стаў некалькі гадоў таму, увечары, 24 жніўня, яго затрымалі ў парыжскім аэрапорце. Яго падазраюць у датычнасці да абарачэння наркотыкаў, тэрарызму, злачынствах супраць дзяцей і махлярства, праз тое, што прадпрымальнік не супрацоўнічаў з уладамі Францыі і адмаўляўся ўдзельнічаць у мадэрацыі ў Telegram, паведаміў тэлеканал TF1.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com