Карткі «СберБанка» ў Беларусі працуюць са збоямі
4- 26.08.2024, 20:56
- 3,666
![Карткі «СберБанка» ў Беларусі працуюць са збоямі](https://i.c97.org/ai/350562/aux-head-1570092432-20191003_kartochki_sberbank_360.jpg)
Што адбываецца?
У беларускага "СберБанка" адбыўся збой у працы сістэмы.
Як паведамляе прэс-служба фінансавай установы, у гэты час могуць не працаваць карты кліентаў.
Акрамя таго, праблемы ёсць у рабоце некаторых сэрвісаў.
Першая інфармацыя аб збоі з'явілася а 17.40 у панядзелак, 26 жніўня. Са звестак на 20:00, збой працягваецца.
У банку прыкладваюць усе намаганні, каб усё як мага хутчэй пачало дзейнічаць у звыклым рэжыме.
Адзначым, што "СберБанк" (раней вядомы як "БПС-СберБанк") з'яўляецца адным з найбуйнейшых банкаў у Беларусі. Ён выконвае шырокі спектр паслуг як для фізічных, так і для юрыдычных асоб.
Кантрольны пакет акцый фінансавай установы належыць публічнаму акцыянернаму таварыству "Сбербанк Расеі".