«Падыйшоў Артур з прапановай папрацаваць»

Беларус, які прапаў у Маскве, знайшоўся за 310 км ад расейскай сталіцы.

Валанцёры ўстанавілі месцазнаходжанне ўраджэнца Смаргоні Аляксандра Новака, які 12 жніўня знік у Маскве (Расея). Пра гэта паведаміў расейскі рух «Альтэрнатыва», які змагаецца з працоўным рабствам.

Беларус прапаў 12 жніўня. У той дзень ён знаходзіўся на Беларускім вакзале расейскай сталіцы і меў намер адправіцца дадому. Калі Аляксандр перастаў выходзіць на сувязь, сваякі забілі трывогу.

Аляксандра знайшлі ў аддзеле паліцыі расіейскага горада Мцэнска Арлоўскай вобласці РФ. Гэта прыкладна за 310 км ад Масквы. Як высветлілася, пасля заканчэння вахты ў Якуцку беларусу не заплацілі.

“Да Масквы ён дабрацца змог, а ўжо тут некалькі дзён правёў на вакзале, - распавялі ў “Альтэрнатыве”. - Там, як гэта часта бывае, да яго падышоў Артур з прапановай папрацаваць. Аляксандр пагадзіўся на збор бульбы за 3500 расейскіх рублёў (125 беларускіх рублёў. - Заўв. рэд.) за дзень. У выніку мужчыну прывезлі ў дом да цыганскай сям'і ў пасёлак гарадскога тыпу Вярхоўе Арлоўскай вобласці. Далей адбылося дзіўнае: працоўную сілу Артур знайшоў, а працу арганізаваць не змог. Таму праз некалькі дзён Аляксандра прывезлі ў горад Мцэнск і пакінулі на прыпынку. За час, праведзены ў Артура, Аляксандр так і не прыступіў да працы, але яго ўсё адно паспелі там збіць”.

Мясцовыя жыхары, даведаўшыся аб сітуацыі мужчыны, дапамаглі яму выклікаць супрацоўнікаў паліцыі. У выніку Аляксандра пасадзілі на цягнік да Масквы. Тут мужчыну сустрэлі валанцёры "Альтэрнатывы" і адправілі дадому.

Аляксандр паспяхова вярнуўся на радзіму.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com