Ці могуць гаспадара кватэры ў Беларусі пакараць за ўварванне ў ягонае ўласнае жыллё?

Юрыстка адказала.

Калі ўласніка жылля могуць пакараць за незаконнае ўварванне ў сваю ж кватэру, распавяла «СБ. Беларусь сегодня» адвакат Менскай гарадской калегіі адвакатаў Надзея Кавалёва.

Юрыстка адзначыла, што, калі чалавек здае сваю кватэру, яго права ў наведванні гэтага жылля істотна абмяжоўваюцца. Сапраўды, п. 1 ст. 55 Жыллёвага кодэкса прадугледжанае права наймадаўцы патрабаваць ад наймальніка даць доступ у жылое памяшканне для мэт, звязаных з выкананнем абавязкаў уласніка.

— Але ў прыведзенай норме права ёсць указанне на тое, што наведванне жылога памяшкання ажыццяўляецца ва ўзгоднены з наймальнікам час і ў яго прысутнасці! Нашай судовай практыцы вядомыя выпадкі, калі наймальнікі прыцягвалі наймадаўцаў да крымінальнай адказнасці за такія няўзгодненыя візіты, паколькі за незаконнае ўварванне ў жыллё насуперак волі асоб, якія пражываюць у ім, заканадаўствам прадугледжанае пакаранне ў выглядзе грамадскіх работ, штрафу або арышту (ч. 1 арт. 202 КК), - распавяла Надзея Кавалёва.

Юрыстка параіла ўласнікам жылых памяшканняў папярэдне накіроўваць наймальнікам СМС аб даце і часе планаванага візіту, а пры адмове наймальніка ў доступе ў жылое памяшканне «ажыццяўляць праверку сваёй маёмасці пры відэазапісе і ў прысутнасці наймальніка і супрацоўнікаў праваахоўных органаў».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com