Associated Press: Украіна рыхтуе дальнабойны ўдар па Расеі магутнай зброяй

Без дазволу Захаду.

Украіна рыхтуе ўдар углыб тэрыторыі Расеі і не мае намеру ўзгадняць яго з заходнімі супольнікамі, бо падчас удару будзе выкарыстоўвацца ўкраінская зброя. Пра гэта паведамляе амерыканскае інфармацыйнае агенцтва Associated Press.

У публікацыі адзначаецца, што асноўнай ударнай сілай гэтай акцыі павінен стаць нядаўна распрацаваны украінскімі інжынерамі ракетны робат «Паляніца».

«Украіна заяўляе, што ў яе ёсць новая дальнабойная зброя, здольная наносіць удары па тэрыторыі Расеі без узгаднення супольнікаў. Гэта айчыннае спалучэнне ракеты і беспілотніка, якое, як паабяцаў у панядзелак міністр абароны, стане «адказам» на хвалю расейскіх бамбаванняў», - адзначана ў матэрыяле.

Са слоў украінскіх чыноўнікаў, «Паляніца» была створаная праз вострую неабходнасць, бо Расея дамінавала ў небе з пачатку вайны ў лютым 2022 года, а заходнія супольнікі Украіны выставілі ўмовы для выкарыстання сваіх ракет вялікай далёкасці ў Расеі.

У панядзелак хваля расейскіх ракет і беспілотнікаў нацэлілася на энергетычную інфраструктуру Украіны, што стала найбуйнейшай атакай такога кшталту за некалькі тыдняў.

«Абаронцы жыцця не павінны мець абмежаванняў на зброю, пакуль Расея выкарыстоўвае ўсе тыпы ўласнай зброі», – заявіў прэзідэнт Уладзімір Зяленскі ў сваім паведамленні ў Telegram пасля нападаў.

Зяленскі пацвердзіў у суботу існаванне «Паляніцы» і назваў гэта «новым класам» зброі. Міністр абароны Рустэм Умераў паабяцаў у панядзелак, што зброя неўзабаве будзе зноў выкарыстаная ў адказ на начны напад на Украіну.

«Украіна рыхтуе адказ. Зброя ўласнай вытворчасці, - напісаў ён на сваёй старонцы ў Facebook. — Гэта яшчэ раз даказвае, што для перамогі патрэбныя дальнабойныя магчымасці і зняцце абмежаванняў на ўдары па вайсковых аб'ектах супраціўніка».

Далёкасць яго дзеяння складае да 700 кіламетраў – на ўзроўні пастаўленага ЗША ATACMS. У ім была паказаная карта з рознымі аэрадромамі, уключаючы расейскую авіябазу Саваслейка, якая знаходзіцца ў гэтым дыяпазоне, і дададзена, што «Паляніца» можа дасягнуць сама меней 20 расейскіх аэрадромаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com