Гетман УСУ расказаў, колькі расейцаў узялі ў палон у Курскай вобласці
- 27.08.2024, 14:00
- 6,222
![Гетман УСУ расказаў, колькі расейцаў узялі ў палон у Курскай вобласці](https://i.c97.org/ai/518672/aux-head-1664992977-2022105_ozaika_360.jpg)
І назваў адну з задач аперацыі.
Гетман УСУ Аляксандр Сырскі заявіў, што ў Курскай вобласці ўкраінскія войскі ўзялі пад кантроль 100 населеных пунктаў – 1 294 квадратныя кіламетры.
Пра гэта ён сказаў падчас форуму аб Курскім кірунку і Пакроўску, паведамляе «Інтэрфакс-Украіна»
Акрамя таго, 594 вайскоўцаў РФ былі ўзятыя ў палон.
Гетман таксама заявіў, што адной з задач аперацыі на Курскім кірунку было адцягненне войскаў РФ з месцаў, з Пакроўскага, Курахаўскага кірункаў.
Паводле ягоных слоў, цяпер Расея перакінула ў Курскую вобласць з іншых кірункаў блізу 30 тысяч вайскоўцаў РФ.
Сырскі таксама адзначыў, што Пакроўскі кірунак застаецца самым гарачым, там сканцэнтраваны самыя баяздольныя войскі краіны-агрэсаркі.