У Гарадзенскай вобласці заўважылі марскую птушку-драпежніка

Чым яна небяспечная?

У Гарадзенскай вобласці, на рацэ Нёман, у аграгарадку Азёры і побач з Гарадзенскай гідраэлектрастанцыяй (ГЭС), заўважылі баклана, які з'яўляецца марскім драпежнікам. Мясцовыя рыбакі ўжо забілі трывогу, бо гэтыя птушкі ў асноўным сілкуюцца рыбай.

За дзень дарослы баклан можа знішчыць да двух кілаграмаў рыбы. З падлікаў Гарадзенскага абласнога камітэта прыродных рэсурсаў і аховы навакольнага асяроддзя, за сезон калонія бакланаў здольная з'есці да 200 тон рыбы. Акрамя таго, бакланы знішчаюць глебавае покрыва, шкодзяць дрэвам і хмызнякам.

Усё з-за таго, што ў баклана вельмі атрутны памёт, у якім шмат аміяку. Са слоў намесніка старшыні абласнога камітэта прыродных рэсурсаў і аховы навакольнага асяроддзя Аляксандра Адаменкі, рэгуляваць колькасць гэтых птушак можна ў тым ліку з дапамогай установак адпужвальнікаў, вымання яек з гнёздаў.

"Сітуацыя пад кантролем, таму што від вельмі агрэсіўны, і за кароткі прамежак часу мы можам мець пэўныя праблемы", - сказаў Адаменка, дапоўніўшы, што пакуль "сур'ёзных наступстваў" спецыялісты не зафіксавалі, таму што бакланы толькі пачалі з'яўляцца на Гарадзеншчыне.

Дарэчы, бакланы сілкуюцца не толькі рыбай, але і малюскамі, ракападобнымі, жабамі, воднымі кузуркамі, чарапахамі і не толькі. А ў Кітаі, Японіі і Еўропе бакланаў выкарыстоўваюць для лоўлі рыбы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com