Чыноўнікі нахабна хлусяць аб сабраным збожжы ў Беларусі
6- 27.08.2024, 17:44
- 6,058
![Чыноўнікі нахабна хлусяць аб сабраным збожжы ў Беларусі](https://i.c97.org/p/articles/ai-166230-aux-head-20150826_zerno_t.jpg)
Беларуская сельская гаспадарка захрасла на ўзроўні 1989 года.
Беларускія аграрыі год за годам прайграюць «бітву за ўраджай». «Филин» абмеркаваў сітуацыю з прадпрымальнікам, былым супрацоўнікам Стаўбцоўскага райвыканкама Мікалаем Лысенкавым.
- Практыка апраўданняў і маніпуляцый з лічбамі адпрацаваная гадамі: узяць ураджайнасць вільготнага збожжа, а не са склада, прыплюсаваць рапс, хоць гэта хутчэй сваяк капусты, чым пшаніцы - але ж убіраецца тымі ж камбайнамі і дапрацоўваецца на тых жа зернесушыльных комплексах, што і збожжавыя. Гэта значыць, «нацягнуць» хоць неяк лічбы ўраджаю.
Хаця ў афіцыйных лічбах ёсць вялікія сумневы. Белстат нічым не адрозніваецца ад Цэнтрвыбаркама, гэта аднаго поля ягады. У каманднай эканоміцы ўсё так працуе: колькі сказалі, столькі і напішуць, ці галасоў, ці мільёнаў тон збожжа. А калі іх няма, будуць думаць, дзе знайсці і як прыпісаць.
Па вялікім рахунку, у нас зараз прыкладна такая сітуацыя ў сельскай гаспадарцы, як была ў Нямеччыне ў 1989 годзе, і я маю на ўвазе не ФРГ, а ГДР. Мы на гэтым узроўні топчамся, у той час як немцы, палякі, літоўцы сышлі далёка наперад - так што, калі з боку глядзець, мы паціху коцімся ўніз, а не развіваемся.