Лукашэнка заявіў, што яму прапануюць «ваяваць з Украінай супраць Расеі»
40- 27.08.2024, 18:05
- 12,344
![Лукашэнка заявіў, што яму прапануюць «ваяваць з Украінай супраць Расеі»](https://i.c97.org/p/articles/2017/ai-256631-aux-head-ai-149526-aux-head-20150429_luka_rus_360.jpg)
Дыктатару таксама здаліся войскі NATO пад Смаленскам.
Аляксандр Лукашэнка на Рэспубліканскім педагагічным савеце заявіў, што яму прапануюць «ваяваць з Украінай супраць Расеі». Яго словы прыводзіць дзяржагенцтва БелТА.
«Я хачу, каб вы разумелі: краіна жыве ў вельмі цяжкі перыяд, пытанне «ці так – ці гэтак». Цяпер нам раяць, кажуць збоку (усё гэта выліваецца на мяне): «Давайце сюды адступаць, там вызваляць». Пачынаючы адсюль і заканчваючы: «Ды плюнь ты на гэтую Расею, ды адвярніся ты ад гэтай Расеі», - распавёў узурпатар.
Ён адзначыў, што яму прапануюць «ваяваць з Украінай супраць Расеі» і папярэджваюць, што падвядуць войскі NATO пад Смаленск. «Мне сёння ўносяць прапановы з усіх бакоў, якія мы прыняць не можам на 99%. Таму я хачу, каб вы зразумелі, у якой мы абстаноўцы, у якой сітуацыі жывем», - дадаў Лукашэнка.
Са слоў дыктатара, сёння ён шмат чаго не можа расказаць, бо «ўсе астатнія пытанні — гэта [яго] пытанні».