Сіноптыкі абяцаюць спякотны дзень у Беларусі
4- 28.08.2024, 21:15
- 4,024
![Сіноптыкі абяцаюць спякотны дзень у Беларусі](https://i.c97.org/p/articles/ai-160020-aux-head-teplo_360.jpg)
Да +33 градусаў.
Аранжавы ўзровень небяспекі дзеля спякоты абвясцілі на чацвер, 29 жніўня — удзень будзе да +33 градусаў, паведамляе Белгідрамет Мінпрыроды.
"Удзень 29 жніўня на большай частцы тэрыторыі краіны максімальная тэмпература паветра дасягне +30...+33°С, у Менску +30°С", — гаворыцца ў паведамленні.
Паводле звестак сіноптыкаў, 29 жніўня надвор'е ў Беларусі будзе далей вызначаць абсяг павышанага атмасфэрнага ціску, сфармаваны ў цёплай паветранай масе. Чакаецца невялікая хмарнасць і без ападкаў. Уначы і раніцай месцам слабы туман. Вецер усходні ад слабага да сярэдняга.