Мянчук здымаў TikTok, а яго ў гэты час абакралі
1- 28.08.2024, 16:17
- 2,204
![Мянчук здымаў TikTok, а яго ў гэты час абакралі](https://i.c97.org/ai/420667/aux-head-1619874940-20210501_tik_tok_360.jpg)
Злодзея неўзабаве знайшлі.
У менскую міліцыю звярнуўся 24-гадовы хлопец са скаргай, што нехта скраў у яго заплечнік, пакуль ён здымаў з сябрамі відэа для сваёй старонкі ў сацыяльнай сетцы.
Злодзея неўзабаве знайшлі: ім выявіўся 43-гадовы беспрацоўны мянчук, які ўжо прыцягваўся да крымінальнай адказнасці за маёмасныя злачынствы.
Мужчына забраў сабе больш за 700 рублёў, а астатняе змесціва і сам заплечнік выкінуў у бак для смецця. Са слоў затрыманага, грошы збіраўся выдаткаваць на ўласныя патрэбы, але не паспеў, бо быў затрыманы.
У дачыненні да фігуранта распачалі крымінальную справу за крадзеж.