«Гэта з якой рэальнасці?»
7- 28.08.2024, 17:14
- 10,900
![«Гэта з якой рэальнасці?»](https://i.c97.org/ai/262334/aux-small-1504935174-20170607_minsk_360.jpg)
У Менску заўважылі дарожны знак, якога няма ў ПДР.
На днях жыхары сталіцы заўважылі каля гандлёва-забаўляльнага цэнтра «Менск-Арэна» незвычайны дарожны знак. Мяркуючы з усяго, ён указвае на абазначэнне пешаходнага пераходу, аднак у ПДР Беларусі не значыцца. Па форме гібрыд нагадвае знак «Саступіце дарогу», а па малюнку - «Наперадзе пешаходны пераход» (толькі без зебры), піша telegraf.news.
![](https://i.c97.org/ai/608545/aux-1724854294-1.jpg)
Незвычайнай знаходкай падзяліліся ў Telegram-канале «Минск и минчанин», адначасова задаўшыся пытаннем: «З якой рэальнасці гэты знак?» І сапраўды, незразумела. Аднак, калі ўлічыць, што яго паставілі на веласіпеднай дарожцы, хутчэй за ўсё аўтар меў на ўвазе, што трэба знізіць хуткасць і прапусціць пешахода.
![](https://i.c97.org/ai/608545/aux-1724854295-2.jpg)