BFMTV: Паўла Дурава адпусцілі з-пад варты
26- 28.08.2024, 17:23
- 21,256
![BFMTV: Паўла Дурава адпусцілі з-пад варты](https://i.c97.org/ai/608480/aux-head-1724834854-2024_08_25_durau_pawel_360.png)
(Абноўлена) Змена статусу неабходная для допыту і выстаўлення абвінавачанняў.
У сераду, 28 жніўня, сузаснавальніка Telegram Паўла Дурава адпусцілі з-пад варты ў Францыі. Пра гэта паведамляе BFMTV.
Гэта не значыць, што прадпрымальніка вызвалілі, змена статусу неабходная для допыту і выстаўлення абвінавачанняў.
«Згодна з інфармацыяй BFMTV, следчы суддзя спыніў утрыманне Паўла Дурава пад вартай у паліцыі ў сувязі з падрыхтоўкай да допыту па першым выкліку і патэнцыйным выстаўленні абвінавачання», — паведамляюць журналісты выдання. Ён знаходзіўся пад вартай чатыры дні.
Бізнэсоўца затрымалі 24 жніўня ў аэрапорце Ле Буржэ, куды ён прыляцеў на прыватным джэце з Азербайджана.
У Францыі Дураву можа пагражаць 20 гадоў турмы. Як мяркауе французскае следства, Павел з'яўляецца суўдзельнікам у незаконных дзеяннях, якія чыняцца праз Telegram.