У Ляхавічах згарэў школьны аўтобус
2- 28.08.2024, 17:41
- 2,908
![У Ляхавічах згарэў школьны аўтобус](https://i.c97.org/ai/608548/aux-head-1724855826-20240326_media_2.jpg)
Адзін чалавек пацярпеў.
Удзень, 28 жніўня, ратавальнікі атрымалі паведамленне аб пажары на вуліцы Кастрычніцкай у Ляхавічах, дзе загарэўся школьны аўтобус. Пажарныя, якія прыбылі на месца, выявілі, што полымя ахапіла салон аўтобуса маркі ПАЗ, прыпаркаванага каля дома.
На момант узгарання ўнутры аўтобуса нікога не было, аднак пры спробе патушыць пажар пацярпеў 52-гадовы кіроўца, які атрымаў апёкі і быў шпіталізаваны, паведамілі ў МНС.
Пажарныя аператыўна справіліся з агнём, але ён паспеў знішчыць салон, пашкодзіць маторны адсек і лакафарбавае пакрыццё транспартнага сродку. Прычына ўзгарання пакуль невядомая, вядзецца расследаванне.
![](https://i.c97.org/ai/608548/aux-1724855785-1.jpg)