Расейцы абмежавалі ўезд у Курчатаў і ўсталявалі блокпасты праз наступ УСУ
3- 28.08.2024, 18:09
- 2,790
![Расейцы абмежавалі ўезд у Курчатаў і ўсталявалі блокпасты праз наступ УСУ](https://i.c97.org/ai/562115/aux-head-1693631916-20230902_leopard_360.jpg)
Там знаходзіцца Курская АЭС.
Найбліжэйшым часам уезд у горад Курчатаў будзе абмежаваны, кантроль уезду будзе ажыццяўляцца на блокпастах, паведаміў кіраўнік рэгіёну Аляксей Смірноў.
З яго слоў, хоць бяспека Курскай АЭС «максімальна гарантаваная», УСУ працягваюць спробы пракрасціся ў горад. «У сувязі з гэтым, а таксама ў мэтах гарантавання дадатковых захадаў бяспекі аператыўным штабам КТА прынятая пастанова найбліжэйшым часам абмежаваць уезд у Курчатаў. Кантроль за выкананнем гэтай пастановы будзе ажыццяўляцца на спецыяльна арганізаваных блокпастах», - паведаміў кіраўнік рэгіёну.
Курская АЭС у Курчатаве - адна з чатырох самых магутных станцый у Расеі, яна забяспечвае электрычнасцю 19 абласцей Цэнтральнай федэральнай акругі, зрэшты, на 90% закрывае прамысловыя патрэбы Курскай вобласці.