Кулеба абмеркаваў з Сікорскім магчымасць збіваць ракеты і дроны над Украінай
4- 28.08.2024, 21:17
- 1,932
![Кулеба абмеркаваў з Сікорскім магчымасць збіваць ракеты і дроны над Украінай](https://i.c97.org/ai/608572/aux-head-1724869050-2024_08_kuleba_sikorski_360.png)
Таксама кіраўнікі МЗС Украіны і Польшчы гаварылі аб знішчальніках МіГ.
Міністры замежных спраў Украіны і Польшчы дамовіліся аб далейшых кроках, каб стварыць магчымасць для ўкраінскіх суседзяў перахапляць са сваёй тэрыторыі расейскія ракеты і дроны над Украінай. Пра гэта паведаміла ўкраінскае дыпламатычнае ведамства.
Дзмітрый Кулеба і Радаслаў Сікорскі падчас сустрэчы абмеркавалі "шырокае кола пытанняў".
Міністры дамовіліся аб далейшых кроках і магчымасці для суседзяў Украіны перахапляць са сваёй тэрыторыі расейскія ракеты і дроны ва ўкраінскай паветранай прасторы.
Іншых дэталяў наконт гэтага МЗС не прыводзіць.