Па Магілёве разгульваў табун коней
3- 28.08.2024, 21:31
- 2,654
![Па Магілёве разгульваў табун коней](https://i.c97.org/ai/608573/aux-head-1724869845-2024_08_koni_360.png)
Фотафакт.
Такія выпадкі апошнім часам у Магілёве сталі паўтарацца рэгулярна, але ўсё адно становяцца падзеяй. Вось і гэтым разам чытачка выдання «МогилевОнлайн» даслала здымак, зроблены раніцай 28 жніўня.
Жанчына ўдакладніла, што дзеянні на фота адбываюцца а 7.30 раніцы 28 жніўня на праспекце Шміта.
![](https://i.c97.org/ai/608573/aux-1724869857-2024-08-28161453-tblrs.jpg.jpg)
![](https://i.c97.org/ai/608573/aux-1724869857-2024-08-28161450-eia3v.jpg.jpg)
Праблема з табунам коней на вольным выпасе для Магілёва не новая. Жывёл ужо не ўпершыню бачаць на вуліцах горада. Летась у гэтым пытанні давялося нават залучыць міліцыю, бо табун складаў амаль 20 асобін.
Тады міліцыянеры высветлілі, што гаспадары коней жывуць у пасёлку Грабянёва. З гаспадарамі правялі размову, аднак гэта ўсё адно не дапамагае.