Што будзе з крамамі сэканд-хэнд у Беларусі?

У Беллегпраме прарочаць "абсалютнае абнуленне".

Крамы сэканд-хэнд з Беларусі не сыдуць, але будуць вымушаныя павялічыць кошт сваіх тавараў з-за падаражання лагістыкі. Такое меркаванне выказала ў эфіры "Беларусь 1" кіраўніца "Беллегпрама" Таццяна Лугіна.

Кіраўніца дзяржканцэрна заявіла, што сэканд-хэнд у Беларусі "абсалютна абнуліцца, але ўсё адно праб'е сабе дарогу".

- Зразумела, што адбудзецца падаражанне тавару. Колькі ён будзе каштаваць, як ён будзе пападаць на паліцы, мы яшчэ ўбачым. Але нават калі цяпер у крамах сэканд-хенда не будзе нейкага віду тавараў, я ўпэўнена, што беларуская прамысловасць і імпарт, які ідзе з іншых краін, закрыюць патрэбы пакупніка, - сказала кіраўніца “Беллегпрама”.

Таццяна Лугіна падкрэсліла, што аматарам крамаў з рэчамі, якія былі ва ўжыванні, нічога не пагражае ў доўгатэрміновай перспектыве.

Нагадаем, санкцыі Еўразвязу, якія распаўсюдзілі на Беларусь у канцы чэрвеня, нарабілі шуму сярод падарожнікаў. Забаранілі мноства тавараў - у спісе было больш за 400 катэгорый. Дакумент не абмежаваў увоз прадметаў гардэроба з ЕЗ у Беларусь, але забараніў "адзенне і іншыя вырабы, якія былі ва ўжыванні".

У адказ у МЗС заявілі, што сэканд-хэнд у Беларусі залічваюць да сацыяльна значных тавараў, "якія карыстаюцца попытам перш за ўсё ў малазабяспечаных грамадзян".

“Але ЕЗ не ўлічыў іншы аспект. Беларускі легпрам прапануе сёння найшырэйшы асартымент якасных тавараў — на ўсялякі густ і партманэт. Акрамя таго, імпарт з прыязных краін таксама ніхто не касаваў”, - адзначылі ў ведамстве.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com