Чаму Фіца запрасіў лукашэнкаўскую дэлегацыю ў Славаччыну

Тлумачыць палітолаг з Браціславы.

Прэм'ер-міністр Славаччыны Роберт Фіца запрасіў лукашэнкаўскую дэлегацыю на святкаванне 80-годдзя Славацкага нацыянальнага паўстання.

У каментары сайту Charter97.org славацкі палітолаг і прэзідэнт Інстытута грамадскіх праблем (IVO) (Браціслава) Рыгор Месежнікаў распавёў, ці мяняецца падыход да рэжыму Лукашэнкі з боку Браціславы:

— Тут крыху іншы кантэкст, на сустрэчы былі прадстаўнікі дзвюх дэлегацый, нашчадкі нібыта тых грамадзян цяперашняй Расеі і Беларусі, якія бралі ўдзел у Славацкім нацыянальным паўстанні. Пакуль незаўважна, каб з гэтым былі звязаныя нейкія зрухі ў славацка-беларускіх стасунках у кірунку іх умацавання.

Але гэта моцная тэма ў тым кантэксце, што Роберт Фіца ўжо даўно прасоўвае адназначна прасавецкія наратывы, якія тычацца Другой сусветнай вайны, падкрэсліваючы асаблівую ролю Савецкага Саюза. Фіца сцвярджаў, што нібыта запрашаў і нашчадкаў удзельнікаў паўстання з Украіны, але яны нібыта з нейкай прычыны не прыехалі. Як сёння высветлілася, ініцыятыва запрасіць групу расейскіх і беларускіх грамадзян на святы гадавіны паўстання прыйшла ад аташэ па культуры расейскага пасольства, які праз мясцовую прарасейскую байкерскую групу «Брат за брата», што з'яўляецца, фактычна, славацкай філіяй даволі вядомых «Начных ваўкоў», падкінуў гэтую ідэю Роберту Фіца і той, што называецца, клюнуў. Аперацыя ўплыву ў чыстым выглядзе.

Справа ў тым, што Роберт Фіца - гэта, фактычна, старарэжымны чалавек, ён, дарэчы, некалькі разоў наведваў Беларусь, быў там, калі Еўропа ўжо адмаўлялася з Лукашэнкам весці нейкія справы.

Гэта не здзіўляе, у яго ўвогуле заўсёды была цяга да аўтарытарных рэжымаў. Цяпер Фіца плануе паездкі ў Кітай, у В'етнам, Венесуэлу, хоча наведаць Кубу, да гэтага Лібію наведваў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com