Беларуска прытуліла дома ваверчаня: яно было шалёным

Звярок паводзіў сябе мірна, а потым раптам накінуўся і пакусаў гаспадыню.

28 жніўня ў Менскую раённую ветэрынарную станцыю звярнулася жанчына са шматлікімі ўкусамі. Высветлілася, што напярэдадні яна падабрала ў Ратамцы маленькае ваверчаня і аднесла дадому. Звярок паводзіў сябе мірна, а потым раптам накінуўся і пакусаў гаспадыню. Лекары пацвердзілі страшную здагадку: гадаванец быў заражаны вірусам шаленства. Падрабязнасцямі дзеліцца Pristalica.

Цяпер жанчыне трэба прайсці курс антырабічных прышчэпак. А ветэрынары тым часам будуць заняты спробамі засцерагчы астатніх жыхароў горада.

- Паколькі невядома, дзе да гэтага пражываў звер, на вуліцы Банькоўшчыне і ў яе наваколлях нашы спецыялісты раскідаюць прынады з вакцынай ад шаленства, - распавяла намесніца галоўнага лекара Менскай раённай ветэрынарнай станцыі Іна Кручанава.

Таксама галоўная лекарка расказала пра 12 выпадкаў заражэння шаленствам, якія былі зафіксаваныя сёлета. Рост выяўлення такіх выпадкаў спецыялістка патлумачыла звычкай жыхароў Менскага раёна падбіраць бяздомных жывёл.

- Кусалі лісы, вожыкі, мышы, каты і сабакі. У большасці выпадкаў людзі прымаюць у сябе бадзяжных жывёл, якіх рэдка паказваюць ветэрынару , - распавяла Кручанава.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com