СМІ даведаліся, з кім Дураў папрасіў звязацца пасля затрымання

Невядома, ці ўдалося ім паразмаўляць.

Заснавальнік Telegram Павел Дураў пасля затрымання 24 жніўня папрасіў праінфармаваць аб тым, што здарылася французскага мільярдэра Ксаўе Ніля, піша выданне Orange са спасылкай на крыніцы. Гэтую інфармацыю пацвярджае BFMTV.

З ацэнкі Forbes, багацце Ксаўе Ніля дасягае $10,5 млрд. Ніль — уладальнік буйной сеткі актываў, яму належаць тэлекамунікацыйны гігант Iliad, матчына кампанія Free, аднаго з найбуйнейшых французскіх правайдэраў інтэрнэт-паслуг, кампаніі Monaco Telecom і Orange Switzerland, а таксама дзель у брытанскай тэлекамунікацыйнай кампаніі Vodafone. Акрамя таго Ніль - суўладальнік аднаго з найбольш вядомых французскіх выданняў, газеты LeMonde. Orange называе Ніля чалавекам, блізкім да прэзідэнта Эмануэля Макрона.

Як адзначае Orange, пасля затрымання абвінавачаны можа звярнуцца па дапамогу да свайго адваката, папрасіць лекара ці паведаміць аб затрыманні даверанай асобе. У якасці такой даверанай асобы Дураў абраў Ніля. З інфармацыі BFMTV, бізнэсоўцу быў адрасаваны першы званок, які зрабіў заснавальнік Telegram пасля затрымання, але невядома, ці ўдалося ім пагаварыць. Калегі Ніля інфармацыю не пракаментавалі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com