Турэцкія дзяржаўныя банкі згортваюць аперацыі ў расейскіх рублях
5- 29.08.2024, 19:53
- 2,136
![Турэцкія дзяржаўныя банкі згортваюць аперацыі ў расейскіх рублях](https://i.c97.org/p/articles/ai-229869-aux-head-20161103_turkey_.jpg)
Кліентам прапануюць канвертаваць рублі ў ліры.
Турэцкі банк Ziraat, які належыць дзяржаве і займае першае месца ў краіне па памеры актываў, спыніў адкрыццё рахункаў ў расейскай валюце, а кліентам, у якіх яны ўжо ёсць, прапанаваў канвертаваць рублі ў турэцкія ліры.
Такую ж палітыку праводзяць і іншыя дзяржаўныя банкі Турцыі, але некаторыя прыватныя крэдытныя арганізацыі яшчэ не адкрываюць рублёвыя рахункі.
Раней у банку аперацыі ў расейскай валюце былі даступныя кліентам пры наяўнасці дазволу на жыхарства або дакумента аб праве на працу або навучанне ў Турцыі.
Аперацыі ў лірах з Расеяй турэцкія банкі пачалі згортваць яшчэ ў пачатку года пасля ўзмацнення жорсткасці санкцый амерыканскага Мінфіна.
У выніку турэцкія банкі пачалі масава блакаваць плацяжы з Расеі, а аб'ёмы расейска-турэцкага гандлю пачалі падаць: за першы квартал турэцкі экспарт у РФ абрынуўся на 33,7% і практычна вярнуўся на даваеннага ўзроўню - $500-600 млн на месяц.