Барэль: Многія дзяржавы ЕЗ падтрымалі аперацыю УСУ ў Курскай вобласці
2- 29.08.2024, 21:12
- 1,336
![Барэль: Многія дзяржавы ЕЗ падтрымалі аперацыю УСУ ў Курскай вобласці](https://i.c97.org/ai/389567/aux-head-1597478243-20200815_zozep_360.jpg)
Яна «нанесла ўдар па пуцінскім наратыве».
Топ-дыпламат Еўрапейскага Звязу Жазэп Барэль заявіў, што многія прысутныя на нефармальнай сустрэчы міністраў замежных спраў дзяржаў-чальцоў падтрымалі аперацыю Узброеных Сіл Украіны ў Курскай вобласці.
Пра гэта ён сказаў на прэс-канферэнцыі аб выніках пасяджэння ў Брусэлі ў чацвер.
Барэль нагадаў свае словы аб тым, як контрнаступальная аперацыя Украіны на Куршчыне «нанесла ўдар па пуцінскім наратыве».
«Украіна паказала стратэгічную дзёрзкасць і ператварыла наратыў Пуціна аб «спецыяльнай аперацыі» на цалкам бескарысны», - дадаў топ-дыпламат Еўразвязу.
Ён расказаў, што на пасяджэнні кіраўнікоў МЗС «многія дзяржавы-чальцы выказалі падтрымку Курскай аперацыі» як часткі неад'емнага права Украіны на самаабарону ў адпаведнасці са Статутам ААН.