Навукоўцы: Клімат у Беларусі можа стаць такім жа, як у Турцыі.
11- 29.08.2024, 21:38
- 5,548
![Навукоўцы: Клімат у Беларусі можа стаць такім жа, як у Турцыі.](https://i.c97.org/ai/440965/aux-head-1634550444-20211018_belarus_map_360.jpg)
Да канца XXI стагоддзі.
Навукоўцы прагназуюць, што клімат у Беларусі можа стаць такім самым, як у Турцыі. Але не хутка - толькі да канца XXI стагоддзя, піша БелТА.
Сіноптыкі нагадваюць, што для жніўня кліматычная норма для Беларусі - +18 градусаў. А ў нашай краіне трымаецца больш за +30. За лета 2024-га максімальная тэмпература паветра была зафіксавана 13 ліпеня на станцыі Жыткавічы і склала 37,9 градуса. Абсалютны максімум - 38,9 градуса - зарэгістраваны 8 жніўня 2010-га ў Гомелі. Гэта самая высокая тэмпература, якая зафіксавана на тэрыторыі Беларусі за ўвесь перыяд метэаралагічных назіранняў.
Паводле апошніх звестак, сярэднедзённыя тэмпературы паветра на 2-8 градусы перавышаюць кліматычную норму, а ў пачатку наступнага тыдня стануць яшчэ вышэйшыя. Чакаецца, што спякотнае і пераважна сухое надвор'е пратрымаецца ў Беларусі яшчэ як мінімум першую дэкаду верасня.