Беларускія школы страчваюць настаўнікаў

На астатніх вырасла нагрузка.

За дзесяць гадоў у беларускіх школах стала больш вучняў, а вось колькасць педагогаў моцна скарацілася. Між тым моцна падае колькасць дзяцей, якія вучацца на беларускай мове. «Люстэрка» вывучыла звесткі Белстата і расказала, што адбываецца ў гэтым кірунку.

Настаўнікаў становіцца менш, а вучняў – больш

За дзесяць гадоў настаўнікаў у школах стала менш на 36 адсоткаў. Усяго ў мінулым навучальным годзе ў школах працавала 65,7 тыс. настаўнікаў, 10 гадоў таму іх было 103,3 тыс.

За гэты самы час колькасць вучняў вырасла на 17 адсоткаў. Калі ў 2013/14 навучальным годзе дзяцей у школах было 931,3 тыс., то ў 2023/24 – 1,09 млн.

Выходзіць, што ў мінулым навучальным годзе на аднаго настаўніка ў сярэднім прыходзілася 16,5 вучняў, а дзесяць гадоў таму – 9.

Колькасць беларускіх класаў моцна ўпала

За гэты час колькасць дзяцей, якія вучацца на беларускай мове, скарацілася ў 1,8 разы.

Летась на ёй навучалася ўсяго 93,5 тыс. школьнікаў. Гэта 8,58%. Дзесяць гадоў таму такіх вучняў было 15,4 адсоткаў. Нават з 2019/20 навучальнага года да мінулага колькасць школьнікаў, якія навучаліся на беларускай, упала на 18,5 тыс.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com