У Расеі затрымалі чарговага генерала з каманды Шайгу

Ужо пятага па ліку.

Следчы камітэт Расеі паведаміў аб затрыманні намесніка начальніка Галоўнай управы інавацыйнага развіцця Мінабароны РФ генерал-маёра Уладзіміра Шасцярова. Яго абвінавачваюць у крадзяжы бюджэтных сродкаў, выдзеленых на функцыянаванне парка «Патрыёт» і кангрэсна-выставачнага цэнтра.

Справа распачатая паводле часткі 4 артыкула 159 КК РФ (Махлярства). Цяпер разглядаецца пытанне аб абранні генералу меры стрымання.

Разам з ім быў затрыманы дырэктар парку «Патрыёт» Вячаслаў Ахмедаў, якога адправілі ў СІЗА.

У ліпені ў «Патрыёце» прайшлі следчыя дзеянні ў сувязі з крадзяжамі пры дзяржзакупах. Парк быў пабудаваны за былым міністрам абароны РФ Сяргеем Шайгу пад кіраўніцтвам яго намесніка Цімура Іванова, якога арыштавалі ў красавіку паводле справы аб мільярдным хабары.

Шасцяроў стаў пятым затрыманым генералам з каманды экс-міністра абароны РФ Сяргея Шайгу. Сярод затрыманых раней - былы намеснік кіраўніка Мінабароны Цімур Іваноў, начальнік галоўнай управы кадраў Мінабароны Юрый Кузняцоў, начальнік галоўнай управы сувязі Мінабароны РФ Вадзім Шамарын і былы камандуючы 58-й арміяй Іван Папоў. Іванова, Кузняцова і Шамарына абвінавацілі ў атрыманні хабараў, Папова - у махлярстве.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com