Расея дазволіла ўвозіць «шмурдзяк» з Беларусі

Некаторыя назвы напояў паўтараюць назвы вядомых еўрапейскіх він.

Расейскія імпарцёры атрымалі права ўвозіць віно з яшчэ аднаго беларускага прадпрыемства - Мінскага завода пеністых він. Пры гэтым назвы напояў, указаныя ў дэкларацыях адпаведнасці, падобныя да вядомых назваў еўрапейскіх він, піша РБК.

Як піша выданне, некалькі расейскіх імпарцёраў з красавіка да жніўня 2024 года атрымалі дазвол на ўвоз у РФ прадукцыі Менскага завода пеністых він пад назвамі, падобнымі да вядомых назваш еўрапейскіх він. Усяго атрымана сем такіх дазволаў.

Акрамя таго, у верасні 2023 года і ў студзені 2024 года расейская кампанія "Югэксім" атрымлівала дэкларацыі на ўвоз у РФ віна Bulgari Winery ад гэтага ж завода. На сайце імпарцёра пазначана, што віны беларускія. Пры гэтым віно пад аналагічнай назвай выпускае вінакурня, размешчаная ў Малдове.

Нагадаем, раней кіраўнік віннага дома «Абраў-Дзюрсо», спецпрадстаўнік Пуціна Барыс Цітоў назваў віны беларускай вытворчасці «шмурдзяком»:

- Будучы ўвоз у Расею прадукцыі Мінскага завода вінаградных вінаў не што іншае, як аднаўленне канала збыту на айчынным рынку прадукцыі з імпартнага віна. Таго самага вінаматэрыялу, які ва ўжытку атрымаў мянушку шмурдзяк, - заявіў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com